खुसखुशीत ओल्या नारळाचे पराठे

 खुसखुशीत  ओल्या नारळाचे पराठे 

     नमस्कार मैत्रीनिंनो आज आपण या लेखामध्ये खुसखुशीत  ओल्या नारळाचे पराठे  कसे बनवायचे, ते जाणून घेणार आहोत , ओल्या नारळाचे बरेच फायदे आहेत. ओल्या नारळाच्या खोबारयामध्ये मोठ्या प्रमाणात पोषक घटक  असतात. ओल्या नारळाचे बरेच तिखट व गोड पदार्थ बनविता येतात. आपण मसाल्यांचा भाजीत खोबरे आवर्जून टाकतोच आणि टाकलेही पाहिजे, आजवर तुम्ही बऱ्याच प्रकारचे पराठे बनविले व खाल्लेही असतीलच, आज आपण ओल्या नारळाचे पराठे  अतिशय सोप्या पद्धतीने कसे बनवायचे ते जाणून घेऊया,हे पराठे अगदी झटपट बनून तयार होतात.  हा पदार्थ तुम्ही मुलांचा टिफिनमध्ये पण देवू शकता. तर जाणून घेऊया ओल्या नारळाचे पराठे कसे बनवायचे व त्याला काय काय साहित्य लागते !

         साहित्य - 

• अर्ध्या नारळाची चव 
• १ वाटी कणिक 
• १ वाटी मैदा 
• तेल आणि तूप 
• ४ ते ५ हिरव्या मिरच्या
• १ चमचा जिरे 
• १ चमचा साखर  
• कोथिंबीर 
• चवीनुसार मीठ

        कृती-  

            सर्वप्रथम नारळाची  चव व नारळाचे  पाणी घालून पेस्ट करून घ्यावी. ( तुम्ही ओले नारळ किसुन हि  घालू शकता ). हिरवी मिरची कोथिंबीर व जिरे याचीही पेस्ट केऊन घ्यावी .

त्यांतर एका ताटामध्ये कणिक व मैदा एकत्रित करून त्यांमध्ये मीठ ,साखर कोथिंबीर ,जीरे व हिरवी मिरचीची पेस्ट घालून १० ते १५ मिनिटे तो गोळा झाकून ठेवावा.(आपण याच गोळ्याच्या पुऱ्या लाटून त्या तळू सुद्धा शकतो ).

            आता गॅसवर तवा ठेवून ,  त्या  मिश्रणाच्या गोळ्या चे  लहान गोळे करून पोळी सारखे लाटून घ्यावे , तव्यावर एक चमचा तेल अथवा तूप घालावे व दोन्ही बाजूने  पराठे नीट भाजून घ्यावेत (तुम्हाला हवे असल्यास तुम्ही बटर घालूनही पराठे नीट भाजून घेवू शकता ). 

               तर तयार  झाले आहे आपले खुसखुशीत ओल्या नारळाचे पराठे, दही व चटणीसोबत हे गरमागरम पराठे खायला घ्या. तुम्ही पण करून पहा.

                        धन्यवाद  !