साबुदाणा आप्पे

                         साबुदाणा आप्पे     

                  

                         नमस्कार मैत्रिनिनो, आज आपण  या लेखामध्य साबुदाणा आप्पे कसे बनविणार आहोत ते बघणार आहोत. उपवास असला कि सर्वच महिलांना प्रश्न पडतो आपण नेहमीच  साबुदाणा वडे, साबुदाणा खीर, साबुदाणा खिचडी बनवत असतो,नेहमी नेहमी   हेच  हे पदार्थ  खाणे कंटाळवाणे वाटू शकते, परंतु  आज   आपण साबुदाण्यापासून  नवीन पदार्थ बनविणार आहोत ते म्हणजे साबुदाणा आप्पे! साबुदाणा तर सर्वांचा फवेरेट आहे ,लहान पासून मोठ्यापर्यंत  सर्वांनाच  साबुदाण्याचे  पदार्थ खायला  आवडतात .साबुदाणा आप्पे  हे अगदी  कमी तेलामध्ये होणारा पदार्थ आहे आणि खायलाहि  स्वादिष्ट लागतो. सकळी नाश्ता मध्ये किंवा लहान मुलांचा टिफीन मध्ये पण तुम्ही हा पदार्थ देवू शकता दही, फोडणीचे ताक किवा हिरवी चटणी, नारळाची चटणी  सोबत तर हा पदार्थ अप्रतिम लागतो वेळही फार कमी लागतो व अगदी सहज व सोप्या पद्नधतीने कमी वेळात होणारा हा पदार्थ आहे तेही कमी साहित्त्यात ! चला तर पाहूयात साहित्य व कृती.    

            साहीत्य  -    

•  २  वाटी साबुदाणा 
•  ३ ते ४ उकडलेले  बटाटे     
•  ३ ते ४ हिरव्या मिरच्या     
•  २ वाटी शेंगदाणे        
•  १/२  चमचा  स्पून जिरे  
•  ४ ते ५ कढीपत्ता पाने 
•  २ चमचा  दही 
•  १ चमचा  साखर     
•  कोथिंबीर    
•  मीठ चवीनुसार

              कृती -

                 साबुदाणा आप्पे बनविण्यासाठी रात्रभर किवा  ७ ते ८ तास साबुदाणा भीजत ठेवावा ज्यामुळे तो चांगला  फुलून येतो .२ वाटी शेंगदाणे भाजून मिक्सर मधून जाडसर काढून घ्यावे व  हिरवी मिरचीची पेस्ट करून घावी. 

                    एका भांड्यामध्ये भिजलेला साबुदाणा, बारीक केलेले शेंगदाणे,उकडलेले बटाटे, हिरवी मिरची पेस्ट,जिरे,कडीपत्ता पाने बारीक करून,दही ,साखर ( दही व साखर या दोन्हीमुळे  आप्याना अप्रतीच चव येते आणि ते छान  आंबट गोड लागतात ). कोथिंबीर टाकून सर्व  पदार्थ एकत्रित करून त्याचे मिश्रण  करून घ्यावे.नंतर मिश्रणाचे गोल - गोल गोळे करून घ्यावे.        

                    आप्पे पात्र गॅसवर ठेवावे ते पात्र गरम झाले कि त्यात दोन दोन थेंब तेल लावून निट पसरून घ्यावे जेणेकरून ते आप्पे  चिटकनार नाहीत.आपण केलेले गोळे त्यामध्ये घालावे  व  व त्यावर झाकण ठेऊन नीट होऊ द्यावे.दुसरी बाजू शेकताना पण दोन दोन थेंब तेल सोडावे व निट दोन्ही  बाजूने छान भाजून द्यावे .तयार साबुदाणा आप्पे उपवास असेल  तर नारळाच्या चटणीसोबत गरमागरम खायला घ्यावे .

                                धन्यवाद !